Сетьен: Гризманндан кечирим сўрамайман

“Барселона” клуби бош мураббийи Кике Сетьен жамоанинг франциялик форварди Антуан Гризманн мунтазам ўйин амалиётига эга бўла олмаётгани ҳақида ўз фикрини билдириб ўтди.

“Мен Гризманн билан гаплашаман. Ундан кечирим сўрамайман, лекин у ўзини ёмон ҳис қилиши мумкинлигини яхши тушунаман. Афсусдаман, чунки у профессионал ва жуда ажойиб инсон”, - дейди Сетьен.

Бундан аввалроқ Сетьен майдонда Суарес ва Месси бўлганида, Гризманнга жой топишга қийналаётгани ҳақида айтиб ўтган эди.

Маълумот учун, 29 ёшли Гризманн жорий мавсум Ла Лигада 32 та ўйинда майдонга тушди ва 8 та гол ҳамда 5 та голли узатма ёздириб қўйишга эришди.