Ads

"Севилья" ҳимоячиси Серхио Эскудеро кеча Ла Лиганинг 2-туридан ўрин олган "Вильярреал"га (0:0) қарши баҳсда қўлидан жиддий жароҳат олди.

Учрашувнинг 82-дақиқаси ўтиб бораётган бир пайтда 28 ёшли футболчи майдонга ноқулай тарзда йиқилди ва шу вазиятда жароҳат олди. Шундан сўнг Эскудеро майдонни шифокорлар ёрдамида тарк этди. Унинг ўрнига эса Виссам Бен-Йедер ўйинга қўшилди.

Маълумот учун, Эскудеро андалусияликлар сафида 2015 йилдан буён тўп суриб келмоқда.