Шаҳобиддин Зоиров 12 июль куни профессионал рингда учинчи жангини ўтказади

Рио Олимпиадаси чемпиони, бугунги кунда профессионал боксда фаолият олиб бораётган Шаҳобиддин Зоиров 12 июль куни жанг қилиши ҳақида аввалроқ хабар қилгандик. Ҳамюртимиз 12 июлда Саудия Арабистонининг Жидда шаҳрида рингга кўтарилади. Ўша куни Зоировга ҳиндистонлик Амандип Сингҳ рақиблик қилади.

Маълумот учун, Шаҳобиддин шу кунгача проф боксда икки маротаба жанг ўтказган ва уларнинг ҳар иккисини ҳам нокаутли ғалаба билан якунлаган. Сингҳ эса бунгача профессионал рингда 4 маротаба жанг қилиб, уларнинг барчасида ғалаба қозонган. Жангларнинг биттасини у муддатидан аввал якунлаган.

Манба: Ўзбекистон бокс федерацияси матбуот хизмати