Shahram Ahadov o‘z vaznida jahon reytingi peshqadami bo‘lib oldi

Xalqaro dzyudo federatsiyasi (IJF) tomonidan yangilangan jahon reytingini e’lon qildi.

E’tiborlisi, -73 kg vazn toifasidagi dzyudochimiz Shahram Ahadov o‘z vaznida reyting peshqadami bo‘lib oldi. U avvalgi oy reytingida 2-pog‘onani egallab turgandi. Ahadov yaponiyalik Tatsuki Ishixarani ortda qoldirib, 1-o‘ringa ko‘tarilib oldi. 

Yana bir ahamiyatga molik holat, ayollar o‘rtasida eng og‘ir vazn toifasidagi dzyudochimiz Umida Nig‘matov 62 pog‘onaga yuqorilashga muvaffaq bo‘ldi. Endigina yoshlar toifasidan ko‘tarilib, kattalar o‘rtasidagi musobaqalarda ishtirok eta boshlagan Umida qisqa fursatda aytishga arzigulik natijalarga erisha boshladi.