Шавкат Раҳмонов UFC’да ким билан жанг қилмоқчилигини айтди

  • 9 июнь, 20:19
  • 0
  • MMA

UFC’нинг энг яхши жангчиларидан бири, қозоғистонлик Шавкат Раҳмонов ярим ўрта вазн тоифасида амалдаги UFC чемпиони англиялик Леон Эдвардс ва фаластинлик Белал Муҳаммад ўртасидаги жанг ғолибига қарши октагонга кўтарилиш истагини билдирди.

“Жек жароҳат олган, Усмон ва Колби мен билан жанг қилишни хоҳламайди. Леон Эдвардс ва Белал Муҳаммад ўртасидаги жанг ғолиби билан учрашишга тайёрман”, — деб ёзди Шавкат ўзининг ижтимоий тармоқдаги саҳифасида.

Эслатиб ўтамиз, Лас-Вегасдаги UFC 296 турнири доирасида бўлиб ўтган сўнгги жангида Шавкат Раҳмонов ярим ўрта вазн тоифасида UFC чемпиони унвонига собиқ давогар Стивен Томпсон билан тўқнаш келган эди. Жанг иккин раунд давом этди ва унда қозоғистонлик жангчи муддатидан аввал ғалаба қозонди. Шавкат Раҳмоновнинг фаолиятида ҳозирча бирорта ҳам мағлубият қайд этилмаган. У 18 та ғалабага эришган ва уларнинг барчаси муддатидан аввал қўлга киритилган.

Фикрлар

Саралаш
Фикр қолдириш учун авторизациядан ўтинг!