Шахмат. Магнус Карлсен ҳиндистонлик 18 яшар рақибини енгиб, илк бор Жаҳон кубоги ғолиби бўлди

Норвегиялик шахмат устаси Магнус Карлсен "FIDE Chess World Cup 2023" номи остидаги Жаҳон кубогида зафар қучди. Озарбайжон пойтахти Боку шаҳрида ўтган турнир финалида Карлсен ҳиндистонлик 18 ёшли Рамешбабу Прагнанандҳани мағлуб этди. 

Эътиборлиси, бу Магнус учун фаолиятидаги илк Жаҳон кубоги соврини бўлди. У бунгача мазкур мусобақа ғолиби бўлмаган. Унинг энг яхши натижаси 3-ўрин ҳисобланарди. 

Маълумот ўрнида, жорий Жаҳон кубогида 3-ўрин соҳиби америкалик Фабиано Каруана бўлди. Каруана 3-ўрин учун баҳсда мезбон мамлакат вакили Нижат Аббасовни мағлубиятга учратди.