Шерки: «Биз янада кучлироқ бўлиб қайтамиз»
Франция миллий жамоаси яримҳимоячиси Райан Шерки Англияга қарши жаҳон чемпионати–2026нинг учинчи ўрин учун баҳси олдидан мухлисларга мурожаат қилди.
«Биз янада кучлироқ ҳолда қайтамиз. Буни унутманг. Ватанимиз йўлида яна бирлашиш учун майдонга қайтамиз. Жамоа бутун Франция бир тану бир жон бўлганини ҳис қилди, бу жуда ҳайратланарли», – дея Шеркининг сўзларини «уч ранглилар» матбуот хизмати келтирган.
Эслатиб ўтамиз, жаҳон чемпионати ярим финалида Франция Испанияга 0:2 ҳисобида мағлуб бўлди. Шу тариқа Дидье Дешам шогирдлари бронза медаллари учун Англия терма жамоасига қарши майдонга тушади. Учрашув якшанба, 19 июль куни бўлиб ўтади, бошланиш вақти Тошкент вақти билан соат 02:00га белгиланган.
Фикрлар