Шифокор футболчини ўлдирганини тан олди

Руминиялик врач Елена Дута “Динамо” Бухарест клуби футболчиси Патрик Экенганинг ўлимида айбдор эканини тан олди.

Айтиш керакки, 2016 йилнинг май ойида камерунлик футболчининг юраги тўхтаб қолган ва шифокорлар унинг ҳаётини сақлаб қола олишмаган эди.

Дутани футболчининг соғлигига беэътибор бўлганликда ва уни ўз вақтида жонлантириш бўлимига жойлаштирмаганликда айблашган. De Telegraaf нашри тарқатган хабарга кўра, суд Елена Дутани 18 ойга шартли равишда озодликдан маҳрум қилган. Бундан ташқари, у 200 минг евро жарима тўлайди ва 60 соат жамоат ишида хизмат қилиши керак.