Ширер ўзининг энг катта рекордини урадиган ҳужумчи чиққанини айтди

Англия Премьер-лигасида энг кўп –  260 та гол урган афсонавий ҳужумчи Алан Ширер “Манчестер Сити”нинг норвегиялик ҳужумчиси Эрлинг Холанд ҳақида илиқ фикрлар билдирди.

- Холанд – идеал марказий ҳужумчи. Унинг статистикаси ғаройиб, гол уриш истаги эса, фантастиканинг ўзгинаси. Бу форвард менга жуда ёқади.

Эрлинг тезкор, кучли, чаққон ва рақиб жарима майдончаси ичида кўп футболчиларга нисбата тезроқ қарор қабул қила олади. Бу ҳайратга соладиган фазилатлар. Унинг тўп киритиш қобилияти мукаммал ривожланган.

Агар Холанд Премьер-лигада яна етти-саккиз йил ўйнаса, менинг тўпурарлик рекордимни янгилашига ҳеч қандай шубҳа йўқ, - деди Алан Ширер.