Шоҳжаҳон Эргашевнинг навбатдаги жанг санаси маълум бўлди!
Ҳамюртимиздан бу жангда ҳам нокаут кутиб қоламиз.
Профессионал боксда мағлубиятсиз одимлаётган енгилмас боксчимиз Шоҳжаҳон Эргашевнинг навбатдаги жанг санаси аниқ бўлди.
SPORTS.uz’га маълум бўлишича, Шоҳжаҳон 16 ноябрь куни Москвадаги “Vegas City Hall” аренасида беларуслик боксчи Димитрий Милюшага қарши рингга чиқади. Ушбу жанг "Матч ТВ", "iboxing" ҳамда "Боец" телеканаллари ҳамкорлигида ташкил этилмоқда.
Шоҳжаҳон Эргашев профессионал боксда жами 18 та жанг ўтказиб, шулардан 16 тасида нокаут эвазига ғалаба қозонган. Унинг бўлажак рақиби Димитрий Милюша 9 та жанг ўтказиб шундан 4 тасида нокаут билан ғалаба қозонган, 1 та дуранг ва 3 та жангда мағлубиятга учраган.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар