Шомуродов ҳаракат қилаётган "Рома" "Барселона" билан ўйнайди

Легионеримиз Элдор Шомуродов ҳаракат қилаётган "Рома" ёзда "Барселона"га қарши ўйнаши мумкин. Бу ҳақда Diario Sport нашри хабар тарқатди.

Манбанинг ёзишича, каталонияликлар "Гампер кубоги"га римликларни таклиф қилмоқчи. Анъанавий Жоан Гампер Кубоги 2022 йилнинг 6 ёки 7 август кунида ўтказилиши режалаштирилган.

Маълумот учун, Гампер Кубоги ҳар йили ўтказилади. Бу йилги мусобақа саноқ бўйича 57-си бўлади. 2021 йилда "кўк-анорранглилар" ушбу ўйин доирасида "Ювентус"ни мағлуб этганди.