Shomurodov jangchi ekan, lekin...

“Spetsiya” mavsumdagi eng  muhim uchrashuvlardan birini o‘z maydonida “Montsa”ga qarshi o‘tkazib, ikki to‘p farqi bilan imkoniyatni boy berdi.

Liguriyaliklarning asosiy to‘purari Mbala Nzola va iste’dodli hujumchisi Daniel Maldini jarohat olgani bois,bosh murabbiy Leonardo Semplichi ilk daqiqalardan Eldor Shomurodovga ishonch bildirdi.

“Montsa”ga qarshi bahsda mezbonlar har galgidek oxirigacha kurashdi. Biroq, mag‘lubiyatdan qutilib qola bilmadi. Eldor Shomurodov ancha faol o‘ynadi. Buni uchrashuvda futbolchilarning harakatini baholagan mutaxassislar ham alohida qayd etdi.

Xususan, “Spetsiya” o‘yinlarini tahlil qilib kelayotgan cittadellaspezia.com sayti “Montsa”ga qarshi bahsda futbolchilarga quyidagicha baho berdi.

Dragovski 6:

Polshalik darvozabon jamoaga aytarli yordam bera olmadi. Shunga qaramay, uning hisobiga bitta qiyin seyv yozib qo‘yish mumkin.

Amyan 5.5:

Raqib hujumlarini to‘xtatishga harakat qildi. Har doim ham buning uddasidan chiqolmadi.

Ampadu 6.5:

Elkasidan va oyog‘idan shikastlanganiga qaramay, juda faol o‘ynadi. To‘pni o‘zida yaxshi ushlab turdi.

Vishnevski 7:

“Spetsiya” o‘yinchilari orasida eng faol o‘ynadi. “Montsa” hujumchilaridan ustun keldi. Yanvardagi transferlar ichida o‘zini oqlagani shu futbolchi bo‘ldi.

Bastoni 6:

Himoyada yaxshi o‘ynadi, jamoasining o‘tkir hujumlarida qatnashdi.

Ekdal 6:

Jamoadoshlarini oldinga boshlashga harakat qildi. Unga ancha og‘irlik tushdi.

Espozito 5.5:

Yosh futbolchiga tajriba etishmayotgani ko‘rinib qoldi. To‘pni ushlab turishda mahoratini oshirish kerak.

Kovalenko 4.5:

Gol urish uchun juda qulay vaziyatni boy berdi va javob hujumida raqib hisobni ochdi. Qolgan daqiqalarda ham o‘zini ko‘rsata olmadi.

Agudelo 5.5:

Zaxiradan maydonga tushgan futbolchi vaziyatni o‘zgartirib yuboradigan golni urolmadi. Yaratilgan qulay imkoniyatni barbod qildi.

Verde 5:

Uning jismoniy  holati barqaror emasligi pand berdi. Ayniqsa, “Montsa”ga qarshi bahsda bu bilinib qoldi.

Shomurodov 6.5:

Ilk daqiqalardan o‘ynagan o‘zbek hujumchisi uchrashuv davomida Kovelanko va Agudeloni gol urish uchun juda qulay pozitsiyaga chiqardi. Lekin jamoadoshlari bu vaziyatlarni ko‘kka sovurdi.

Maydonning har bir qarich joyida kurash olib bor. Shomurodov jangchi ekan. To‘p uchun qattiq kurashdi. Xavfli vaziyatlar yaratish, hujum uyushtirish ishtiyoqi balandligi ko‘rindi. Lekin asosiy vazifasi – gol urish uchun qulay vaziyat topa olmadi.

Gyasi 6:

Hujumda samarali o‘ynashga harakat qildi. Lekin jamoasi himoyalangan pallada umuman yordami tegmadi.

Semplichi 6:

Shogirdlari yaxshi o‘ynagan bo‘lsa-da, ularga raqib darvozasi oldida sovuqqonlik etishmadi. “Spetsiya” faqat Nzola o‘ynaganda gol uryapti. Ayrim o‘yinchilarning harakatlariga qaramay, boshlang‘ich tarkibni tanlashda xatoga yo‘l qo‘yganini bilish mumkin.

Shomurodovning davri keldi...

Shomurodov muxlislariga yaxshi xabar!

Bu mamlakatda 20 nafar o‘zbek legioneri to‘p tepmoqda

Kelishilgan o‘yinlar balosi: Legionerlarimiz jamoasi Evrokubokdan chetlatilishi kutilmoqda!