Шомуродов мундиал ҳақида таъсирли фикр билдирди

Ўзбекистон миллий терма жамоаси ҳужумчиси Элдор Шомуродов Жаҳон чемпионати йўлланмаси қўлга киритилганидан сўнг футболчилик фаолиятидаги энг катта орзуларидан бири ушалганини таъкидлади.

"Бу ҳаётимдаги энг катта орзуларимдан бири эди. Футболчилик фаолиятимдаги энг катта орзуим Ўзбекистон миллий жамоаси билан Жаҳон чемпионатида қатнашиш эди. Мана шу мақсад амалга ошгач, футболдаги ҳаётим давомида ўйлаган барча нарсалар кўз олдимдан ўтди", — деди футболчи ЎФА матбуот хизматига берган интервьюсида.

Маълумот учун, "оқ бўрилар" 2026 йилги Жаҳон чемпионатининг "К" гуруҳидан ўрин олган бўлиб, Португалия, Колумбия ҳамда Конго ДР терма жамоаларига қарши баҳс олиб боради.