Шомуродов портлашини кутяпман!

Ўз дарида “Кальяри”да порлаган италиялик машҳур футболчи Роберт Аквафреска профессионал фаолиятини якунлаганига бир неча йил бўлганига қарамай, ҳамон ушбу клубнинг ашаддий мухлиси ҳисобланади.

Собиқ ҳужумчи узоқ йиллик фаолияти давомида “Кальяри”дан ташқари Италиянинг “Тревизо”, “Женоа”, “Аталанта”, “Болонья”, “Тернана”, Испаниянинг “Леванте” ва Швенйцариянинг “Сьон” каби жамоаларида тўп тепган.

Аквафреска журналистлар билан суҳбатда “Кальяри”нинг Б Сериядан юқори дивизионга кўтарилган, жамоанинг ҳужум чизиғи, хусусан, янги форвард Элдор Шомуродов ҳақида фикрлари билан ўртоқлашди.

Sports.uz портали ўзбекистонлик мухлислар эътиборига италиялик футболчининг интервьюсини ҳавола этади.

- Роберт, “Кальяри”нинг юқори дивизионга ўтиш учун “Бари”га қарши ҳал қилувчи баҳслари ҳақида фикрингиз қандай? Бу жамоа А Серияга кўтарилишга лойиқ, деб ҳисоблайсизми?

- Мен бу саволга ҳа, деб жавоб бераман. Биз “Кальяри”нинг юқори дивизионга ўтиш йўлида “Парма”га қарши зўр ўйинига гувоҳ бўлдик. Кейинги ҳал қилувчи босқичда ҳам жамоа муносиб ўйин кўрсата олди. “Бари” билан ўйинда кураш охиригача кечди. Натижа рақиб фойдасига ҳал бўлиши ҳам мумкин эди. Умуман олганда эса, “Кальяри” ҳар томонлама кўтарилишга муносиб эди.

“Бари” футболчилари “Сан-Никола”даги сўнгги баҳсда 0:0 ҳисобини ушлаб қолиш учун ўйнаб, нотўғри стратегия танлади. Бу ҳисоб уларни А Серияга олиб чиқарди. Лекин улар ташаббусни “Кальяри”га бериб қўйди. “Кальяри” ақлли ўйин қилди. Учрашув охирида гол уриб, масалани ўз фойдасига ҳал қилди.

- Ҳозир “Кальяри” А Серия ўйинларига тайёргарлик кўряпти. Сизнингча, Клаудио Раньери тузган таркиб қандай? Стратегик аҳамиятга эга икки ўйинчи – Рог ва Лападула сафдан чиқди.

- Бу иккиси муҳим ўйинчилар ва жамоа учун катта йўқотиш. Уларнинг қаторига Манкоснинг сафдан чиққанини қўшган бўлардим. Бу футболчи ҳам асосий фигуралардан. Сўнгги паллада жароҳат олган ўйинчиларни ҳисобга олмаганда клуб таркибни шакллантириш учун нималар қилишни режалаштираётганини билмайман.

Лекин ҳужум чизиғида Паволетти ва Лападула каби тажрибали форвардлар борлигини инобатга олиб, келажаги бор ёшларга эътибор қаратиш керак. Қолаверса, Элдор Шомуродовдек ҳужумчи келганини ҳам ҳар доим ёдда тутиш лозим.

Сизга ҳужумчи сифатида ўзбек легионери ҳақида савол қуйидагича бўлади: Элдордан нималарни кутяпсиз?

Шомуродов ҳозиргача юз берган воқеаларга жавобан ўч олиши керак. “Кальяри”да Элдор бор салоҳиятини ва имкониятини намойиш қилиб, ниҳоят портлайди, деган умидим бор. Аввалги жамоаларида буни камдан кам кўрсата олди.

Марказий ҳужумчи сифатида Элдор жамоага ёрдам беришга қодир.

Сардиния ҳавоси, аввал шу жамоага келган ҳужумчилар, хусусан, ўзимнинг бошимдан ўтганидек, Шомуродовнинг фойдасига ишласин.

Машҳур мураббий Шомуродовга баҳо берди

Файзуллаевнинг ЦСКАга трансферига нима халақит қиляпти?

“Кальяри” мухлислари Шомуродов дебюти ҳақида нималар деяпти?

“Кальяри” етакчи футболчиси Шомуродов ҳақида нима деди?

Премьер-лига клуби тез орада ўзбек футболчиси трансферини эълон қилади

ЦСКА мазза қилади: Файзуллаевнинг кучли томони кўп, камчилиги эса...