Шомуродов собиқ жамоасига, Файзуллаев эса, Жиянов ва Йўлдошевга қарши!
Бугун хорижда тўп тепаётган бир нечта легионерларимиз жамоалари чемпионат доирасидаги ўйинларини ўтказади.
Италия А Серияси.
А Сериянинг 11-турида легионеримиз Элдор Шомуродов жамоаси "Кальяри" ўз уйида "Женоа"ни қабул қилади. Учрашув 19:00да старт олади. Мазкур баҳс учун сардинияликларнинг қайдномасида вакилимиз бор ва бугун жамоасига ёрдам беришга тайёр.
Биламизки, "Женоа" Шомуродовнинг собиқ клуби ҳисобланади.
РПЛ.
Бугун Россия Премьер-лигаси 14-тур ўйинлари давом эттирилади. Аббосбек Файзуллаев ҳаракат қилаётган Москванинг ЦСКА жамоаси "ВЭБ Арена"да Русланбек Жиянов ҳамда Иброҳимҳалил Йўлдошев ўйнаётган "Нижний Новгород"ни қабул қилади. Беллашув Тошкент вақти билан 18:30да бошланади.
Туркия Суперлигаси.
Туркия чемпионати 11-турида мухлислар "Коньяспор" - "Фотих Карагюмрюк" қарама-қаршилигига гувоҳ бўлади. Ўйин 18:00да старт олади. Меҳмонлар сафида ҳаракат қилаётган легионеримиз Отабек Шукуров майдонга тушишга тайёр.
Фикрлар