Shomurodov: U mendan yordamini ayamadi!
O‘tgan yilning kuzida “Rostov”dan “Jenoa”ga ko‘chib o‘tgan Eldor Shomurodov yangi mamlakat va chempionatga moslashishida unga yordam bergan do‘stlari haqida gapirdi.
- Men birinchi Dominiko Krishito bilan do‘stlashib oldim. U rus tilida yaxshi gaplasha oladi. Biroq, menga eng ko‘p Daniel Dumbravanu yordam bergan. Bu bola biz bilan mashg‘ulotlarda qatnashadi, u menga juda ko‘p marotaba tarjimonlik qilgan, italyanchani yaxshiroq tushunishimga ko‘maklashgan, - dedi Eldor Shomurodov.
19 yoshli Daniel Dumbravanu moldovalik hisoblanadi. U “Jenoa”ning yoshlar jamoasida to‘p tepadi va asosiy tarkib mashg‘ulotlariga ham jalb etilib kelmoqda. Birinchi jamoadagi debyutini Italiya kubogi doirasida “Yuventus”ga qarshi o‘yinda nishonladi.
Dominiko Krishito esa, 2011-2018 yillar davomida “Zenit” sharafini himoya qilgan va jamoa etakchilaridan bo‘lgan. Krishito o‘z vaqtida Rossiya premer-ligasida Eldor Shomurodovga qarshi o‘ynagan.
Fikrlar