Шомуродов ва Холанд бир кўрсаткич бўйича пешқадам

"Рома" ҳамда Ўзбекистон терма жамоаси ҳужумчиси Элдор Шомуродов "Манчестер Сити" ва Норвегия термаси аъзоси Эрлинг Холанд билан бир хил кўрсаткич қайд этмоқда. 

Жорий мавсум терма жамоа сафида урилган голлар сони Шомуродов ва Холандда бир хил - 9 тани ташкил этади. Улардан кейинги ўринни 8 та гол билан аргентиналик Лионель Месси эгаллаб турибди. 

Маълумот ўрнида, Элдор мазкур кўрсаткич бўйича бир неча кун олдин 1-ўринни банд этиб турганди. Камерунга қарши баҳсда у ўз номига гол ёздириб қўя олмади.