Шомуродовнинг жамоаси “Ювентус”, “Милан” ва “Интер”ни жазолашни талаб қилмоқда!
Италия А Сериясининг аксарият жамоалари қаторида “Женоа” клуби раҳбарияти ҳам Европа Суперлигаси лойиҳасини қўллаб-қувватлаган ва унга қўшилган “Ювентус”, “Милан” ва “Интер” ни жазолаш талаб қилинган расмий хатга имзо чекди.
Ушбу хатда Италия чемпионати иштирокчиларини навбатдан ташқари мажлисга жалб этиб, учта клубга қандай жазо кўриш бўйича муҳокама ўтказиш ҳам таклиф этилмоқда. Бу мурожаатномани “Женоа”дан ташқари “Рома”, “Торино”, “Болонья”, “Сампдория”, “Сассуоло”, “Специя”, “Беневенто”, “Кротоне”, “Парма” ва “Кальяри” раҳбарлари имзолаган.
Маълумки, яқинда Европанинг энг кучли 12 клуби таъсисчи сифатида янги турнир ташкил этилганини расман эълон қилган эди. ФИФА, УЕФА ташкилотлари ва мухлислар босими туфайли бу мусобақа бекор қилинди.
Суперлига лойиҳасига қўшилган жамоаларда клуб раҳбарияти билан футболчилар ва мухлислар ўртасида турли келишмовчиликлар келиб чиқмоқда. Ҳали вазият тўли изга тушгани йўқ. Айрим клублар президентлари ва бошқарувчиларининг истеъфоси талаб қилинмоқда.
Comments