Шомуродовнинг қимматбаҳо шеригини нега терма жамоага чақиришмади?
“Рома”нинг янги ўйинчиларидан бири Матиас Суле кутилмаган қийинчиликларга дуч келмоқда. Аргентиналик ҳужумкор футболчи Европа Лигаси доирасида Гвецияда “Эльфсборг”га қарши ўтказилган учрашувда энг бўш ўйнаган футболчилардан бири бўлди.
Рим клуби ёзда Сулени “Ювентус”дан 26,5 миллион евро ва бонуслар эвазига трансфер қилган. Бу сумма “Рома” даражасидаги клуб учун анча катта харажат ҳисобланади.
Шу боис, аргентиналик футболчи жамоага етарли самара келтира олмаётгани ва кутилган ўйинни намойиш қила олмаётгани туфайли катта босим остида қоляпти.
21 ёшли Суле “Рома”га ўтганидан кейин Аргентине терма жамоасига таклиф этилган эди. Гарчи сентябрдаги ўйинларда майдонга тушмаган бўлса-да, таркибдаги бир неча жаҳон чемпионлари билан бирга шуғулланди.
Бир мобайнида унинг ўйинида пасайиш кузатилгани боис Аргентина терма жамоаси бош мураббийи Лионель Скалони уни октябрь йиғинига таклиф этилган футболчилар рўйхатидан тушириб қолдирди.
Италия футболи экспертлари Даниэле де Росси тактикасига мослашган Матиас Суле янги бош мураббий Иван Юрич қўллаётган услубга кўника олмаётганини таъкидламоқда. Хорватиялик мутахассис аргентиналик ўйинчидан асосан ҳужумкор футболчи бажариши керак бўлган вазифаларни талаб қилмоқда.
Клубдаги вазият ўз-ўзидан Суленинг терма жамоадаги ўрнига ҳам таъсир қилмоқда. Скалони ва унинг ёрдамчилари “Рома” ўйинлари кузатиб бораётгани аниқ. Чунки терма жамоалар мураббийлар штаби янги йиғинга “бўрилар” сафидаги синовдан ўтган тажрибали чарм тўп усталари – Леандро Паредес ва Пауло Дибалани чақиртирди.
Аргентина терма жамоаси 2026 йили бўлиб ўтадиган жаҳон чемпионатининг саралаш турнири доирасида Венесуэла ҳамда Боливия терма жамоаларига қарши майдонга тушади.
Шомуродовдан бунақасини кутмагандик... “Рома”ни қутқара олмаган Элдорнинг ўйини қандай баҳоланди?
Фикрлар