Шомуродовнинг устози энг зўри, деб топилди!

Кучли бешлик чемпионатларидан бири – А Сериянинг август ойидаги энг яхши мураббийи эълон қилинди.

Унга кўра, Элдор Шомуродов фаолиятини давом эттираётган “Рома” жамоаси устози Жозе Моуриньо А Сериянинг ўтган ойдаги энг зўр мураббийи сифатида эътироф этилди. Португалиялик мураббий қўл остида “бўрилар” тўртта учрашувдан учтасида ғолиб чиқди ва бир бор дуранг ўйнади.

“Рома” футболчилари “Салернитана” ва “Кремонезе”ни 1:0, лига дебютанти “Монца”ни 3:0 ҳисобида мағлуб этиб, Туринда бўлган баҳсда “Ювентус” билан 1:1 ҳисобида дуранг ўйнади.

Янги мавсумда Жозе Моуриньо олдига жамоани Чемпионлар лигасига олиб чиқиш, Италия кубоги ва Европа лигасида бош совринни қўлга киритиш вазифаси қўйилган.