Шон О'Мэлли Двалишвилига қарши жанг режасини ошкор қилди

Ўта енгил вазн тоифасида (61 кг) UFC чемпиони Шон О'Мэлли(18-1-1 N/C) грузиялик Мераб Двалишвили(17-4) билан бўлажак жанг ҳақида гапирди. “Мерабнинг яраларини 100% очиб ташлайман. Шундан сўнг, у тузалиб кетадими ёки йўқ, менга қизиқмас. Жанг пайти аввало, Двалишвилининг бурнига зарба бераман. Чунки бурни юзининг 85% ни эгаллайди. Кейин дарҳол эски жароҳатидан қолган чокларга уриб, уни мағлуб этаман”, – деди О'Мэлли Кевин Иоленинг You Tube даги каналида. Эслатиб ўтамиз, августда Двалишвили тикилган жароҳатни ўзи олаётган видеони ижтимоий тармоқларга жойлаштирганди.