Шошилинч трансфер! Супеклуб Альваресни олишга улгуриб қолмоқчи

Англия чемпиони «Арсенал» раҳбарияти «Атлетико» форварди Хулиан Альварес трансфери бўйича музокараларни имкони борича тезроқ якунлашни мақсад қилган. 

The Independent нашри ёзишича, лондонликлар битимни жамоа мавсумолди йиғинларини бошлашидан олдин ёпиб қўйишни истамоқда.

Манбага кўра, «канонирлар» аргентиналик ҳужумчи учун 105 миллион евро тўлашга тайёр. «Атлетико» эса футболчини камида 117 миллион евро атрофида баҳоламоқда. Музокараларнинг «Арсенал» томонидан спорт директори Андреа Берта олиб бормоқда. У аввалроқ «Атлетико» тизимида ҳам фаолият юритган.

Аввалроқ Альварес Испанияда қолиш вариантига ёмон қарамаган, унинг атрофидаги вазиятни «Барселона» ва «Реал» диққат билан кузатиб борган эди. Бироқ мадридликлар ўзларининг тўғридан-тўғри рақибларини кучайтириш ниятида эмас. Шунингдек, футболчига ПСЖ томонидан ҳам қизиқиш бўлгани хабар қилинган.

Айни пайтда Альварес жорий трансфер ойнасидан фойдаланиб ҳужум чизиғини кучайтиришни режалаштираётган «Арсенал» учун асосий номзод сифатида кўрилмоқда.

Эслатиб ўтамиз, ўтган ёзда «Атлетико» 26 ёшли аргентиналикни «Манчестер Сити»дан 75 миллион евро эвазига сотиб олган эди. 2025/26 йилги мавсумда ҳужумчи барча мусобақалар доирасида 49 ўйин ўтказиб, 20 та гол урди ва 9 та голли узатма берди.

Шу билан бирга, «Атлетико» трансфер сиёсати фонида «Барселона»ни масхара қилаётгани ҳақида ҳам хабарлар тарқалмоқда.