Шу футболчини бериб туринглар! Суперклуб "Сити" юлдузини ижарага сўраяпти

Таркибини кучайтиришга уринаётган Туриннинг «Ювентус» клуби «Манчестер Сити» ярим ҳимоячиси Тижани Рейндерсни ўз сафига қўшиб олишни режалаштирмоқда. 

Бу ҳақда La Stampa нашри хабар берди.

Маълумотларга кўра, туринликлар футболчини айнан шу трансфер ойнасининг ўзида олиб келишни истамоқда. Италия гранди ҳозирча энг реал вариант сифатида дастлаб ижара асосида келишув тузиш имкониятини кўриб чиқмоқда. 

Рейндерс 2025 йили «Милан» таркибидан «Манчестер Сити»га ўтган эди.

Тижани Рейндерс ҳозиргача «Манчестер Сити» сафида 50 та ўйин ўтказган. У шу баҳсларда етти марта рақиб дарвозасини ишғол этган ва саккизта голли узатма муаллифига айланган.