Шуҳрат Муҳаммадиевнинг жароҳати қандай ва у қачон сафга қайтади?
Ads

Хабарингиз бор бугун Coca-Cola Суперлиганинг 10-туридан ўрин олган “Насаф” ва”Локомотив” учрашувида “темирйўлчилар” ҳимоячиси Шуҳрат Муҳаммадиев жиддий жароҳат олиб касалхонага олиб кетилган эди.

“Локо” бош шифокори Абро Пирриев эса Муҳаммадиевнинг айни дамдаги ҳолати, жароҳати ва қачон сафга қайтиши ҳақида гапириб ўтди.

“Шуҳрат Муҳаммадиевда ҳозирча ўнг оёқ кичик болдирининг пастки учдан бир қисмини ёпиқ синиб, жойидан силжиши ва товоннинг ярим чиқиши ташҳиси қўйилди. Уни касалхонага олиб бориб текширувдан ўтказдик ва оёғини гипс қилдирдик.

Энди ҳаммаси биз таҳмин қилгандек ўта жиддий бўлиб чиқмаса, тўрт ойдан сўнг, яъни октябрь ойларида сафга қайтиши мумкин”, - дейди жамоа шифокори.