Шуҳрат Юсупов уч карра Америка очиқ чемпионати ғолиби

18-19 май кунлари АҚШнинг Лос-Анжелес шаҳри самбо бўйича Америка очиқ чемпионатига мезбонлик қилди.

Мазкур турнирда дунёнинг 9 давлати – Ўзбекистон, Қозоғистон, Россия, Украина, АҚШ, Мексика, Гондурас, Арманистон ва Эрондан спортчилар ғолиблик учун кураш олиб боришди.

Ўзбекистон шарафини ҳимоя қилган спортчимиз Шуҳрат Юсупов жанговар самбо йўналишида барча рақибларидан устун келиб фаолияти давомида учинчи марта ушбу мусобақада ғолибликни қўлга киритди.