Shunaqasi ham bo‘larkan! Xavining hech narsadan xabari yo‘q

Xavi "Barselona" uni iste’foga chiqarmoqchi ekanligidan xabardor emas. 

Avvalroq, "ko‘k-anorranglilar" bosh murabbiyi mavsum oxirida o‘z lavozimini tark etishi va klub allaqachon unga o‘rinbosar qidirayotgani haqida ma’lumotlar bergandi. 

Xavi bugun shtab a’zolari bilan uchrashdi va ularga hech narsani bilmasligini aytdi. "As" xabariga ko‘ra, murabbiy bundan hayratda qolgan. Sababi, Laporta "Almeriya" ustidan qozonilgan g‘alabadan so‘ng ham Xavini tabriklagan. 

Manbaga ko‘ra, Xavining atrofidagilar murabbiyni juda xotirjam, deb ta’kidlamoqda. Biroq u vaziyatdan butkul hayratda. 

Ispaniyalik mutaxassis o‘zining bo‘shatilishi haqidagi tinimsiz xabarlardan so‘ng vaziyatga oydinlik kiritish maqsadida klub prezidenti Joan Laporta bilan uchrashib olmoqchiligini aytgan. Biroq Laporta bu ishni mavsum yakunlangach, qilishini ta’kidlagan.