Шунчаки даҳшат! Роналду яна катта маррани забт этди

“Ан-Наср ҳужумчиси Криштиану Роналду Саудия Арабистони чемпионатининг 33-турида “Аш-Шабаб”га қарши ўйинда гол уриб, жамоасининг 4:2 ҳисобидаги ғалабасига катта ҳисса қўшди.

У 75-дақиқада Садио Маненинг узатмасидан кейин гол киритди ва Саудия Арабистони клубидаги тўплари сонини 100 тага етказиб олди.

41 ёшли португалиялик юлдуз ушбу маррага етиши учун унга 105 та ўйин керак бўлди.

Ронаоду жорий Про-лига мавсумида футболчи 28 та учрашувда 26 та гол ва учта голли узатма амалга оширди. Унинг голлари самарасида “Ан-Наср” мамлакат чемпионлигига яқинлашмоқда.

Шунингдек, Криштиану Роналду фаолиятидаги голларини сонини 971 тага етказиб олди. У клублар миқёсида 1088 та ўйинда 828 та гол урган ва Португалия терма жамоаси сафида 226 та учрашувда 143 марта тўп киритган. Энди  Криштиану фаолиятидаги минглик маррага етиши учун яна 29 та гол керак.