Шундоғам ишлари юришмаётган "Ливерпуль"нинг икки футболчиси "Челси"га қарши ўйнамайди

"Ливерпуль"нинг икки футболчиси эртага Англия премер-лигаси доирасида бўлиб ўтадиган Лондоннинг "Челси" клубига қарши ўйинда тикланишга улгурмади.

Бош мураббий Юрген Клопп Луис Диас ва Тиаго Алкантарани "аристократлар"га қарши ўйин учун таркибда бўлмаслигини айтди.

"Луис Диас эртанги ўйинда майдонга тушмайди. У "Арсенал" билан ўйинга қайтади деб айта олмайман, бу даргумон. Тиагога келсак, эртага у аниқ майдонга тушмайди”, - деди Клопп матбуот анжуманида.

Эслатиб ўтамиз, Диас кузда жароҳат олган бўлса, Тиаго сўнгги бир неча ҳафтани ўтказиб юборганди.