Сильва яна собиқ жамоасига қайтишга яқин

"Валенсия" клуби мавсумлар оралиғида "Манчестер Сити"дан кетадиган собиқ ярим ҳимоячиси Давид Сильвани яна таркибга қайтармоқчи.

ESPN нашри тарқатган хабарга кўра, 34 ёшли испаниялик футболчи айни дамда “кўршапалаклар” билан музокараларни бошлаб юборган. Томонлар ўртасидаги келишув эса 2023 йилга қадар имзоланиши мумкин.

Бунгача Сильвага "Милан", "Бетис" ва "Интер Майами" клубларидан ҳам таклифлар тушаётгани ҳақида хабарлар тарқалган эди.

Айтиш керакки, Давид Сильва асли “Валенсия” тарбияланувчиси ҳисобланади. У 2000-2010 йилларда ушбу жамоа шарафини ҳимоя қилган.