Симеоне 12 йил бошқарган “Атлетико”ни қачон тарк этиши маълум бўлди

Аргентиналик мураббий Диего Симеоне “Атлетико”ни келаси йилнинг ёзида тарк этадиган бўляпти.

Todofichajes нашрига кўра, томонлар 2024 йилнинг 30 июнида якунланадиган ҳамкорлик шартномасини узайтирмайдиган бўлди.

53 ёшли мураббий Мадрид грандини 2011 йилнинг декабрида қабул қилиб олган эди.

Симеоне бошчилигида “Атлетико” икки марта “Барселона” ва “Реал”ни ортда қолдириб, Испания чемпионлигини қўлга киритган. Шунингдек, бир мартадан мамлакат кубоги ва Суперкубоги ғолиби бўлган.

“Атлетико” аргентиналик мураббий билан бирга икки мартадан Европа лигаси ва УЕФА Суперкубогида ғолиб чиқди.