Симеоне: 17 та гол урсам ҳам Аргентина терма жамоасига чақиришмади

"Наполи" ҳужумчиси Жованни Симеоне Аргентина терма жамоаси билан Қатарда бўлиб ўтадиган жаҳон чемпионатида иштирок этишини исташини айтди.

“Жаҳон чемпионатида Аргентина терма жамоасининг бир қисми бўлишни хоҳлардим, лекин А Серияда 17 та гол урганимга қарамай, терма жамоа йиғинига чақирилмадим. Умид қиламанки, бир кун келиб шундай бўлади", - деди Симеоне.

27 ёшли Симеоне 2021/2022 йилги мавсумда “Верона” таркибида Италия чемпионатининг 35 та ўйинида 17 та гол урди ва 6 та голли узатмани амалга оширди.

Айни дамда аргентиналик футболчи "Наполи"да ижара асосида ўйнамоқда ва ҳозирча олти учрашувда иккита гол урди.