Симеоне "Арсенал"дан учралган мағлубиятга изоҳ берди

Диего Симеоне "Атлетико Мадрид"нинг "Арсенал"га қарши ўйиндан сўнг (1:1, 0:1) фикр билдирди.

"Биз жуда яхши кампания ўтказдик. Барча кучимизни бердик. Кутилгандан ҳам узоқроқ бордик. Афсуски, ҳаммаси шундай якунланди.

Биринчи ўйинда ҳам голли вазиятлар яратган эдик, лекин фойдалана олмадик. Бугун иккинчи бўлимда кўпроқ рақиб ярмида ўйнадик, имкониятлар бўлди, аммо баъзида майда жиҳатлар сенинг фойдангга ҳал бўлади, баъзида эса йўқ.

Ҳакамлик ҳақида айтадиган гапим йўқ — биз мусобақани тарк этдик. “Арсенал”ни табриклайман, улар яхши курашди. Менга уларнинг жамоаси ва мураббийи ёқади. Уларда барқарор ёндашув бор ва бу катта молиявий имкониятлар билан қўллаб-қувватланган. Биз эса ишлашда давом этамиз, — деди Симеоне.