Симеоне ҳакамга: Рамос сени онангни ҳақорат қилди. Қандай қилиб бунга қўйиб бердинг?

"Атлетико" бош мураббийи Диего Симеоне Ла Лига 7-турининг "Реалъга қарши баҳсида рақиблар сардори Серхио Рамос ён ҳакамни ҳақорат қилди, деб ҳисоблади.

Ушбу вазият учрашувнинг биринчи бўлимида содир бўлганди. Рамос ён ҳакамга нималардур деганди.
Симеоне зудлик билан вазият томон югуриб борди ва бақириб: "Қандай қилиб бунга қўйиб беряпсан? У сени ҳақорат қилди."

Мураббий ушбу вазият учун Серхио Рамосни жазолашни талаб қилди.

Симеоненинг сўзларига кўра, Рамос ҳакамни онасини ҳақорат қилган.

"Ўйинда нима бўлган бўлса, барчаси майдоннинг ўзида қолади. Ёрдамчи ҳакам Рамос нима деганини ўзи билади," - деди Симеоне.

Эслатиб ўтамиз, учрашувни Хосе Луис Гонсалес бошқариб борган эди.