Симона Халеп дунёнинг биринчи рақамли теннисчисига айланиши мумкин

Майами шаҳрида теннис бўйича аёллар ўртасида "Премьера" туркумига кирувчи "Miami Open" турнирида чорак финал баҳслари ўтказилмоқда.

Руминиялик теннисчи Симона Халеп мазкур мусобақа якуний натижасига кўра, яна бир бор дунёнинг биринчи рақамли теннисчисига айланиши мумкин.

Айни дамда Симона мусобақанинг ярим финал босқичига йўл олиб, WTA рейтингида чехиялик Петра Квитовадан ўтиб кетди ва иккинчи поғонага чиқиб олди. Агар у финалга йўл олса, япониялик Наоми Осакани ҳам очколар ҳисобида ортда қолдириб, биринчи рақамли теннисчига айланади.