“Сити” билан чемпионлик тўқнашуви олдидан “Арсенал”да кутилмаган инқироз юзага келди

“Манчестер Сити” 19 апрель куни ўз майдонида Англия Премьер-лигаси пешқадами “Арсенао”ни қабул қилади. Бўлажак тўқнашувдаги ғалаба Хосеп Гвардиола шогирдларига очколар ҳисобида “канонирлар”га тенглашиб олиш имконини беради.

Ана шундай муҳим учрашув олдидан лондонликлар сафида таркиб масаласида муаммолар чиқа бошлади.

Сўнгги маълумотларга қараганда, охирги машғулотларда беш нафар фуболчи – Риккардо Калафиори, Мартин Эдегор, Деклан Райс, Букайо Сака ва Юрриен Тимбер иштирок этмагани хавотир уйғотди.

Яқинда “Арсенал” ўз майдонида “Борнмут”га 1:2 ҳисобида ютқазган учрашувда тўдиқ ўйнаган Деклан Райснинг машғулотга чиқмагани кутилмаган воқеа бўлди.

Букайо Сака ҳали ҳам мушак муаммоларидан азият чекмоқда, шу сабаб у сўнгги учта ўйинни ўтказиб юборди, жамоа сардори Мартин Эдегор эса Лиссабонда “Спортинг”га қарши биринчи ўйинда олган тизза жароҳати сабаб майдонга чиқмаяпти.

Юрриен Тимбер ва Риккардо Калафиорининг умумий гуруҳ машғулотларида қатнашмаётгани ҳам Микель Артетанинг таркиб танлаш имкониятларини чеклайди.

Агар бу футболчилар 19 апрелда бўладиган мавсумнинг энг муҳим ўйинигача тиклана олмаса, бўлажак учрашувда “Манчестер Сити” фаворитга айланади.