“Сити” директори клуб тарихидаги энг қиммат супертрансферга муносабат билдирди

“Манчестер Сити” спорт директори Угу Виана “Челси” ярим ҳимоячиси Энцо Фернандеснинг трансфери ҳақида фикр билдирди.

- Энцо универсал ярим ҳимоячи: техник жиҳатдан иқтидорли, меҳнаткаш, курашувчан ва гол ура олади. У футболнинг турли услубларида самарали ҳаракат қила олади. Тўп назоратига асосланган ўйинда ўзини қулай ҳис қилади, шу билан бирга тезкор қарши ҳужумларда ҳам ўзини жуда яхши ҳис қилади.

25 ёшидаёқ жаҳон чемпионатининг икки финалида ўйнагани ва бир нечта мамлакатларда йирик совринларни қўлга киритгани унинг даражасини ўзиёқ кўрсатиб турибди. Бу унинг менталитети, профессионаллиги ва техник сифатлари ҳақида кўп нарсани айтиб беради. Биз уни таркибга қўшганимиздан жуда хурсандмиз ва у жамоамизни кучайтиришига ишонамиз.

“Манчестер Сити”даги барча инсонлар Энцони илиқ кутиб олади ва унга фаолиятининг янги босқичида омад тилайди. Биз уни тез орада мовий формада кўриш имкониятини интиқлик билан кутмоқдамиз, - дея Виананинг сўзларини клуб расмий сайти келтирмоқда.

Фернандесни олиш учун Манчестер жамоаси 145 миллион евро харажат қилди ва бу клуб тарихидаги энг қиммат харид бўлди. Аргентиналик футболчи беш йиллик битимга имзо чекди.