"Сити" футболчиси "Лион"га қарши ўйиндаги ҳакамликдан норози

"Манчестер Сити" ҳимоячиси Эмерик Ляпорт кеча ЕЧЛ чорак финалидан ўрин олган "Лион"га (1:3) қарши ўйиндаги ҳакамлик борасида гапириб ўтди.

“Яширмоқчи эмасман. Мен футболчиман, лекин шу билан бир қаторда инсонман ҳам. “Лион”га қарши ўйинда хатоларга йўл қўйдик ва бунинг учун айбдормиз. VAR ишлаган Чемпионлар лигаси чорак финалида ҳакам “Лион”нинг иккинчи голини инобатга олганини қабул қилишимиз қийин”, - дейди Лапорт.

Айтиш керакки, ўша вазиятда Ляпорт рақиб ҳужумчиси Мусса Дембеленинг ҳаракатидан сўнг майдонга қулаган эди, аммо кейинчалик ушбу вазиятда урилган гол инобатга олинди.