“Сити” Гвардиола учун сўнгги клуб бўлади. Пеп кейин нима қилмоқчи?

“Манчестер Сити” билан 2023 йилнинг ёзигача имзоланган шартнома Хосеп Гвардиола учун клублар миқёсидаги сўнггиси бўлади. Кейин испаниялик мутахассис ҳеч бир клубни бошқармайди. Шундай бўлса-да, унинг келажак учун режалари бисёр.

Маълумотларга қараганда, Хосеп Гвардиола “Манчестер Сити”даги фаолиятида ниҳоясига етгач, бирор мамлакат терма жамоасини бошқаришни режалаштирмоқда. Бу катта эҳтимол билан Испания терма жамоаси бўлиши мумкин.

Гвардиола мураббийлик фаолиятини 2007 йилда “Барселона В” жамоасида бошлаган. Бир йилдан сўнг, каталонияликларнинг асосий жамоасини қабул қилиб олган. 2013-2016 йиллар давомида “Бавария”ни бошқарганидан кейин Англияга кўчиб ўтди.

У мураббий сифатида уч мартадан Испания ва Германия чемпиони, икки бор Англия премьер-лигаси ғолиби бўлган. Каталонияликларни икки марта Европа чемпионлар лигаси ғолибига айлантирган.

Расман! Гвардиола “Сити” билан янги шартнома имзолади. Унинг муддати қачонгача? (фото)

Гвардиола нега “Сити”да қолганини айтди

Матнда хатолик топсангиз, ўша хатони белгилаб, бизга жўнатинг (Ctrl + Enter)