“Siti” ham bor! Alonso beshta klub bilan muzokara o‘tkazdi

FootballTransfers nashrining yangi xabariga ko‘ra, Xabi Alonso yozda murabbiylik faoliyatiga qaytishga tayyorgarlik ko‘rmoqda va o‘ziga yangi ish joyi tanlash maqsadida beshta klub bilan muzokara o‘tkazdi.

Ispaniyalik mutaxassis bilan suhbat o‘tkazgan klublar qatorida “Etihad” egalari ham bor.

Xabarda aytilishicha, “Manchester Siti” vakillaridan tashqari, Xabi Alonso “Manchester Yunayted”, “Benfika”, “Sporting” va “Portu” klublari mutasaddilari bilan ham muloqot qilgan.

44 yoshli mutaxassis hali qaysi klubda ishlashni tanlamagan, biroq muzokaralar allaqachon boshlangan va u yaqin orada murabbiylikka qaytishga qiziqmoqda.

Alonso 2026 yilning yanvarida “Real Madrid” bosh murabbiyligidan kutilmagan tarzda ozod etildi va hozircha ishsiz yuribdi. “Bernabeu”dan ketganiga qaramay, u hali ham futboldagi eng istiqbolli yosh murabbiylardan biri sifatida baholanmoqda.

“Manchester Siti”ni mavsum yakunida jiddiy sinovlar kutmoqda: 26 aprel kuni “Arsenal”ga qarshi chempionlik uchun hal qiluvchi o‘yin kutmoqda.

Shu bilan birga, Pep Gvardiolaning kelajagi haqidagi savollar ham ochiq qolmoqda.

Agar Alonso haqiqatan ham Gvardiola o‘rniga tanlangan bo‘lsa, klub sport direktori Ugo Viana yozgacha muzokaralarni tezlashtirishga harakat qiladi, shunda klub yangi murabbiy rahbarligida transfer strategiyasini davom ettira oladi va bosh murabbiylik uchun raqobatga tayyor bo‘ladi.