"Siti" "Real" qiziqqan futbolchini ilib ketmoqchi

"Milan" qanot himoyachisi Teo Ernandesning kelajagi hali ham muhokama qilinmoqda. Matbuot xabarlariga ko‘ra, frantsuz futbolchisining "rossaneri" bilan shartnomasini uzaytirish bo‘yicha muzokaralari boshi berk ko‘chaga kirib qolgan, bu esa boshqa top-klublarga imkoniyat yaratishi mumkin.

TEAMtalk nashri xabar berishicha, Teo Ernandesni o‘z safiga qo‘shib olish imkoniyatini "Manchester Siti" ko‘rib chiqmoqda. Bungacha esa futbolchini o‘z safiga qaytarish istagi bilan "Real" qiziqayotgani haqida ma’lumotlar paydo bo‘lgan edi.

Fulbekning Italiya grandi bilan amaldagi shartnomasi 2025/2026 yilgi mavsum oxirigacha tuzilgan. Nufuzli Transfermarkt portali 27 yoshli futbolchini 50 million evroga baholamoqda.