“Сити”: Шу универсал футболчини олмасак бўлмайди

Янги хабарларга кўра, “Манчестер Сити” раҳбарияти ёзги трансферлар режасини тузмоқда ва таклиф этиладиган ўйинчилар рўйхатининг энг юқори қисмига “Вест Хэм Юнайтед” футболчиси Матеус Фернандеш номини ёзиб қўйди.

Январь ойида “Манчестер Сити” ҳужум чизиғига Антуан Семеньо ва ҳимоя марказига Марк Гехини олиб келди. Шунга қарамай, ҳали жамоа таркиби кутилган даражага етгани йўқ.

Семеньо ва Гехи келганидан сўнг, қишки трансферлар ойнаси даврида бошқа ўйинчи олинмайди. Асосий янгиланишлар мавсум якунланганидан кейин бўлади.

SportBoom нашри хабарига кўра, Матеус Фернандеш “Манчестер Сити”дан ташқари “Манчестер Юнайтед”  эътиборини ҳам тортган. Унинг шартномасида “Вест Хэм Юнайтед” Премьер-лигадан тушиб кетган тақдирда келишувни автоматик тарзда бекор қиладиган банд борлиги айтилмоқда.

Маълум қилинишича, Пеп Гвардиола 21 ёшли футболчининг юқори техникага асосланган ишончли ўйини ва босим остида ҳаракат қила олиш қобилиятидан жуда таъсирланган. Шунингдек, Фернандеш “Сити”нинг ўйин услуби ва техник талабларига жуда мос келади. Мураббий уни бир нечта позицияда, жумладан, қанот ҳимоячиси сифатида ҳам ўйнай олади, деб ҳисоблайди.