“Сити” уч йилда трансферларга даҳшатли сумма сарфлагани ошкор бўлди

Sky Sports маълумотига кўра, “Манчестер Сити” клуби сўнгги уч йил ичида янги футболчиларни харид қилиш учун умумий ҳисобда 824 миллион фунт (964 миллион евро) сарфлаган.

Бу суммага яқинда “Ноттингем Форест”дан Эллиот Андерсоннинг 116 миллион фунт (136 миллион евро) эвазига сотиб олиниши ҳам киритилган.

Бу трансфер Андерсонни энг қиммат англиялик футболчига айлантирди.

Сўнгги уч йилда “Манчестер Сити”дан ҳам кўпроқ маблағ сарфлаган ягона клуб – “Челси” бўлиб, лондонликлар янги футболчилар учун тахминан 1 миллиард фунт (1,17 миллиард евро) тўлаган.

“Манчестер Сити”нинг бу кўрсаткичига 2025 йилнинг 20 январида Франция “Ланс” клубига Абдуқодир Ҳусанов учун тўланган 40 миллион евро миқдоридаги трансфер пули ҳам киради.