“Сити” юлдузи “Барселона” ва “Реал”ни танлади

“Манчестер Сити”нинг энг машҳур ўйинчиларидан бири Бернарду Силва келаси мавсумни Испания чемпионатида бошлаши мумкин.

Португалиялик ҳужумкор футболчи анчадан бери Хосеп Гвардиола жамоасини тарк этиш ҳаракатида юрибди. Силва испан футболи грандлари – “Барселона” ёки “Реал”да тўп тепишни истаяпти. Бу ҳақда The Athletic нашри хабар тарқатди.

“Реал” тез орада Лука Модрия ва Тони Кроосга ўринбосар топиши керак. Бу ўйинчиларнинг ёши ўтиб қолган. Ана шу ўринбосар Бернарду Силва бўлиши мумкин.

“Барселона” эса истеъдодли ўйинчини бир йилдан бери кузатиб келмоқда. Хави Эрнандес Бернарду жамоанинг ҳужумкорлик салоҳиятини оширишига ишонмоқда.