"Сити"га ўтиб хато қилган футболчи ниҳоят жамоадан кетяпти

"Манчестер Сити" клуби дарвозабони Клаудио Браво катта эҳтимол билан шу ёз жамоасини ўзгартиради.

Todo Fichajes нашрининг хабар беришича, 37 ёшли чилилик голкипер ватанига қайтмоқчи ва фаолиятини ўзи тарбия топган "Коло Коло" клубида якунламоқчи. Бравонинг “шаҳарликлар” билан амалдаги шартномаси ёзда ўз ниҳоясига етади ва шу боис у жамоани эркин агент сифатида тарк этиши мумкин.

Клаудио Браво “Манчестер Сити” сафига 2016 йил “Барселона”дан кўчиб ўтган эди. У жорий мавсум 16 та ўйинда майдонга тушди ва ўз дарвозасидан 16 та гол ўтказиб юборди.