“Сити”нинг бразилиялик юлдузи янги жамоа танлайди

“Манчестер Сити” ҳужумчиси Габриэль Жезус ёзда Италия чемпионатига кўчиб ўтиши кутилмоқда.

Маълумотларга қараганда, 23 ёшли футболчига А Серия грандлари – “Интер” ва “Ювентус” жиддий қизиқиш билдирмоқда. Ҳар икки клуб бразилиялик футболчи учун “шаҳарликлар” сўраётган сумма – 65 миллион еврони беришга тайёр.

Жезуснинг “Манчестер Сити” билан шартномаси 2023 йилнинг ёзигача тузилган. Ёш ҳужумчи жорий мавсумда премьер-лиганинг 19 та учрашувида майдонга тушиб, олтита гол урди ва учта голли пас узатди.