Скалони Мессининг ҳолати ҳақида гапирди

Аргентина терма жамоаси бош мураббийи Лионель Скалони ҳужумчи Лионель Месси ва ярим ҳимоячи Алексис Макаллистернинг ҳолати ҳақида гапирди.

- Лео ҳозир яхши ҳолатда. У бу эрга келишдан олдин бир нечта ўйин ўтказган. У формада ва жамоага ёрдам бера олади.

МакАллистер жароҳати туфайли индивидуал машғулотлар ўтказмоқда. Ҳозирча у умумий гуруҳда ишлай олмайди ва пайшанба куни бу бўйича қарор қабул қиламиз.

Умид қиламизки, бошқа муҳим футболчини йўқотмаймиз, - деди жамоа устози.

Маълумот учун, Аргентина терма жамоаси ФИФА кунлари доирасида "ЖЧ-2026" саралаш босқичи Венесуэла ва Боливияга қарши баҳс ўтказади.