Слот: "Арсенал" АПЛ турнир жадвалида биринчи ўринда бўлишга лойиқ"

"Ливерпуль" бош мураббийи Арне Слот Англия Премьер-лигаси 21-туридан ўрин олган Лондоннинг "Арсенал" клубига қарши ўйиндан нималар кутаётгани ҳақида гапирди. Ўйин эртага, 8 январь куни "Эмирейтс" стадионида бўлиб ўтади.

"Бу ўйин катта аҳамиятга эга, бизда Премьер-лигада, шунингдек, Англия кубоги ва Чемпионлар лигасида курашиш учун кўп нарса бор. "Арсенал" каби жамоалар билан ўйинларда нималарга қодирлигимизни тушуниш мумкин. Бундан ташқари, "канонирлар" аввалгидан ҳам яхшироқ бўлди. "Арсенал"нинг кучли томонлари? Қизиқ, улар шунчалик кўпми, балки ҳамма гап шундадир!

Уларнинг заиф томонлари кўп эмас, деярли ўтказиб юборишмайди, очиқ футбол ўйнашади, стандарт вазиятлардан яхши фойдаланишади, тўпни узоқ вақт ушлаб туришади. Уларда ҳамма нарса бор ва улар АПЛ турнир жадвалида биринчи ўринда бўлишга лойиқ", - деб Слотнинг сўзларини келтиради Англиянинг Liverpool Echo онлайн-нашри.