Slot g‘alabadan keyingi fikrlari bilan o‘rtoqlashdi

APLning 2-turi doirasida o‘tkazilgan "Nyukasl" - "Liverpul"  to‘qnashuvida mehmonlar muhim g‘alabani qo‘lga kiritdi.

G‘alaba golini 16 yoshli Rio Ngumoa urdi. Vinger ikkinchi bo‘limga qo‘shilgan 6-daqiqada Kodi Gakpo o‘rniga maydonga tushdi va 100-daqiqada gol kiritdi. Ushbu g‘alabadan so‘ng mersisaydliklar murabbiyi Arne Slot o‘z fikrlari bilan o‘rtoqlashdi.

- Bugun haqiqiy futbol o‘yinini ko‘rmadim. Hamma narsa standart vaziyatlar va uzun uzatmalardan iborat edi. O‘yin oldidan men aytgan taktika deyarli ahamiyatsiz bo‘lib qoldi. Lekin jamoamizning o‘zini tutishi menga ma’qul keldi. Dastlabki yarim soat, 45 daqiqa juda og‘ir kechdi.

Raqib o‘n kishi bo‘lib qolganda, bu biz uchun afzallik bo‘lishi aniq edi. Ammo darvozabon har bir standart vaziyatni amalga oshirsa, son jihatdan ustunlik deyarli foyda bermaydi. Shu bois hisobni 2:0 holatida saqlab qolish biz uchun oson kechmadi.

16 yoshli yigit uchun ajoyib gol. Rio o‘z yoshi uchun vaziyatni a’lo darajada yakunladi. Kiyinish xonasida kimdir u avval to‘pni nazoratga olishi mumkinligini aytdi, lekin u o‘ziga juda ishonadi. Ngumoa yoshiga nisbatan hujumlarni a’lo darajada yakunlaydi, - dedi niderlandiyalik mutaxassis.