Слот: "Кутганимиздан анча юқори натижа кўрсатдик"
Хабарингиз бор, "Ливерпуль" Премьер-лиганинг дастлабки тўрт турини очко йўқотмасдан ўтказди. Бу ҳақда мерсисайдликлар бош мураббийи Арне Слот фикр билдирди.
Нидерландиялик мутахассис таркибнинг ёзги қайта тузилишини ҳисобга олган ҳолда ёмонроқ натижа кутганини эътироф этди.
- Биз кутганимиздан анча юқори натижа кўрсатдик. Бу ёзда нима бўлганини барчамиз биламиз, аммо Премьер-лиганинг тўртта ўйинида 12 очко тўплаш - ажойиб натижа. Жамоадаги шунча ўзгаришлардан сўнг аҳвол анча ёмонроқ бўлишини кутгандим, - деди Слот.
Чоршанба куни Чемпионлар лигаси гуруҳ босқичининг биринчи турида "Ливерпуль" ўз майдонида "Атлетико"ни қабул қилади.
Фикрлар