Слот: "Ливерпуль" янги трансферлар учун футболчиларни сотиши шарт"

"Ливерпуль" бош мураббийи Арне Слот жамоанинг ёзги трансфер режалари ҳақида фикр билдирди.

Унинг таъкидлашича, клуб янги футболчиларни харид қилиш учун аввал айрим ўйинчилар билан хайрлашишига тўғри келади.

"Биз сотишимиз керак, шундагина сотиб олишимиз мумкин. Айрим футболчиларни эса бепул йўқотяпмиз. Бу ёзда бу катта синов бўлади, аммо клуб бу каби модель ишлашини аввал ҳам исботлаган.

Мен кўп марта айтганимдек, келажак жуда яхши кўринмоқда, айниқса бу ёзда кучли футболчилар кетганидан кейин янги ўйинчиларни жалб қила олсак.

Биз ҳозир ўтиш давридамиз. Ҳар қандай клубда муайян футболчилар билан боғлиқ цикллар бўлади. Жамоа билан катта муваффақиятларга эришган кўплаб ўйинчилар аллақачон кетган ёки кетиш арафасида.

Афсуски, бу эркин трансферлар орқали ҳам содир бўлмоқда — Мо, яъни Муҳаммад Салоҳ билан ҳам шундай бўлади, Роббо, яъни Эндрю Робертсон билан ҳам шундай ҳолат кузатилиши мумкин, Трент билан эса бу аллақачон юз берди. Биласиз, клуб яна сарфлаши учун киритилган маблағни қайтариши керак.

Бу ўтган мавсумда ҳам чақириқ бўлганди: бизга беш-олти нафар янги футболчини олиш учун 10-11 нафар ўйинчини сотишимизга тўғри келган", — деди Слот.